Gəncə Apellyasiya Məhkəməsində xuliqanlıqda təqsirləndirilən C.Cəfərovun barəsindəki hökmdən verilən apellyasiya şikayəti üzrə məhkəmə iclası başlayıb.
Pravda.az-ın əldə etdiyi məlumata görə, hakim Əlizamin Abdullayevin sədrliyi ilə keçirilən prosesdə qərar elan olunub.
Qərara əsasən, apellyasiya şikayəti təmin edilməyib.
İttihama görə, hadisə 30 noyabr 2023-cü il tarixdə, saat 12 radələrində Gəncə şəhəri, Nizami prospektində qeydə alınıb.
Belə ki, C.Cəfərov dayanıqlı vəziyyətdə olan "Mersedes Sprinter" markalı mikroavtobusun arxa oturacağında əyləşmiş keçmiş arvadı, zərərçəkmiş N.N.-in (ad, soyadı şərti) yanında əyləşib. Sonra o, qadının naməlum avtomobildən düşməsini bəhanə edib, bıçaqla zərərçəkmişə qəsdən zərbələr endirərək ona yüngül bədən xəsarəti yetirib.
Gəncə Şəhər Məhkəməsinin hökmü ilə C.Cəfərov 2 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.
Kamal Məmmədov
