Ukrayna müharibəsinin 1000-ci günü – VİDEO

Ukrayna Prezidenti Volodimir Zelenski Rusiya-Ukrayna müharibəsinin 1000-ci günü ilə bağlı video yayımlayıb.

Bizim.Media xəbər verir ki, bu barədə Zelenski teleqram kanalında paylaşım edib.

Videoda 1000 günlük müharibədə Ukraynanın nələr yaşadığı göstərilib.

Zelenski paylaşıma “1000 gün birlikdə, Ukraynanın 1000 günü” şərhini yazıb.

Xatırladaq ki, Rusiya-Ukrayna müharibəsi 24 fevral 2022-ci ildə başlayıb. 21 fevral 2022-ci ildə Rusiya “Donetsk Xalq Respublikası” və “Luqansk Xalq Respublikası”nı müstəqil dövlət kimi rəsmən tanıyıb.

Üç gün sonra Rusiya Prezidenti Vladimir Putin çıxışında Ukraynada "xüsusi hərbi əməliyyat" elan edib. Hücum beynəlxalq səviyyədə pislənib və bu, bir çox ölkələrin Rusiyaya qarşı sanksiyalar tətbiq etməsinə və mövcud sanksiyaların gücləndirilməsinə səbəb olub.


Bizim.Media

• Ukrayna
• Zelenski
• Müharibə
• 1000 Gün