ABŞ-ın "Los-Anceles Klippers" klubunun basketbolçusu Ceyms Harden uğura imza atıb.
AZƏRTAC xəbər verir ki, 35 yaşlı oyunçu Milli Basketbol Assosiasiyası (NBA) tarixində ən çox “üçlük” (2975) atan ikinci oyunçu olub. O, bunu “Yuta Caz” klubu ilə keçirilmiş görüşdə reallaşdırıb. Birinci sırada isə "Qolden Steyt Uorriors"un üzvü Stiven Körri (3782) yer alır. İlk “üçlüy”ü isə keçmiş basketbolçu Rey Allen (2973) tamamlayır.
Karyerasının son dövrlərini yaşayan Ceyms Hardenin S.Körriyə çatmaq şansı, demək olar ki, yoxdur.
