İspaniya millisi öz tarixinin rekordunu yeniləyib.
QOL.az xəbər verir ki, komanda buna 2024-cü ildə bütün rəsmi yarışlarda keçirdiyi 17 oyundan 14-də qalib gəlməklə nail olub.
Belə göstərici İspaniya millisinin tarixində, o cümlədən yoldaşlıq görüşlərində mütləq rekorddur.
İspaniya millisi üçün əvvəlki ən yaxşı nəticə 2010-cu il olub. O, zaman yığma yoldaşlıq görüşləri də daxil olmaqla 17 oyundan 13-də qalib gəlib (1 heç-heçə və 3 məğlubiyyət). Bundan əlavə, 2010-cu ildə ispanlar Cənubi Afrikada keçirilən dünya çempionatının qalibi olublar.
Qeyd edək ki, İspaniya millisi bu yay Almaniyada keçirilən Avro-2024-də çempion adını qazanıb. Millətlər Liqasında komanda 16 xal toplayaraq, öz qrupunu lider kimi başa vurub. İspanlar ən yaxın izləyiciləri olan Danimarka millisini 8 xal qabaqlayıblar.
İspaniya millisinin 2024-cü ildə yeganə məğlubiyyəti martın 23-də Kolumbiya ilə yoldaşlıq görüşündə (0:1) olub.
