ABŞ prezidenti Co Bayden yüzlərlə insanın həyatını itirdiyi Helene və Milton qasırğalarından zərər çəkmiş fəlakət bölgələri üçün Konqresdən təcili əlavə büdcə tələb edib.
Ağ Evdən verilən yazılı açıqlamaya görə, Bayden məsələ ilə bağlı Nümayəndələr Palatasının sədri respublikaçı Mayk Consona məktub yazıb.
Bayden məktubunda "Helene və Milton qasırğalarına və digər təbii fəlakətlərə sürətli reaksiya vermək üçün Konqresdən təcili əlavə maliyyə tələb edirəm" deyib.
100 milyard dollar büdcə
Qasırğalardan təsirlənən Florida, Corciya, Şimali Karolina və Cənubi Karolina ştatlarında ailələri, iş adamları və səlahiyyətlilərlə görüşdüyünü ifadə edən Bayden, daha əvvəl də böyük qasırğalardan sonra büdcənin təmin edildiyinə diqqət çəkərək, Konqresi “təcili hərəkətə keçməyə” çağırıb.
ABŞ mətbuatına görə, Konqresin Konqresdən tələb etdiyi təcili əlavə büdcə təxminən 100 milyard dollara bərabərdir.
Helene və Milton qasırğaları
ABŞ Milli Qasırğa Mərkəzi sentyabrın 26-da Helene qasırğasının təxminən 225 kilometr sürətlə Floridanın şimal-qərb sahillərini vurduğunu açıqlayıb. Qasırğa tez bir zamanda Corciya, Virciniya, Cənubi Karolina, Şimali Karolina və Tennessi ştatlarına təsir edib.
