Gürcüstan prezidenti Salome Zurabişvili ölkənin Konstitusiya Məhkəməsinə (KM) müraciət edib. Bu barədə TASS dövlət başçısının nümayəndəsinə istinadən xəbər verir.Zurabişvili respublikada oktyabrın 26-da keçirilmiş parlament seçkilərinin nəticələrinin saxtalaşdırılmış kimi tanınmasını tələb edib.

Noyabrın 16-da Gürcüstanın Mərkəzi Seçki Komissiyası (MSK) ölkədə keçirilən parlament seçkilərinin yekun protokolunu dərc edib. Buna uyğun olaraq, qanunverici orqanda 150 mandatdan 89-nu alan respublikanın hakim partiyası “Gürcü arzusu – Demokratik Gürcüstan” qalib gəlib.

Bundan əvvəl Zurabişvili ölkədə keçirilən parlament seçkilərini tanımaqdan imtina edib. Gürcüstan prezidenti onların total saxtakarlıq etdiyini açıqlayıb və vətəndaşları mitinqə çıxmağa çağırıb.

aia.az
Tərcümə şöbəsi

• Prezident
• Gürcüstan
• Seçki
• Konstitusiya Məhkəməsi
• Saxtalaşdırma
• Nəticə