İnternetdə Keyt Midlton haqqında yeni bir sui-qəsd nəzəriyyəsi ortaya çıxıb.
OLAY yazır ki, sosial şəbəkə əhli indi onun artıq sağ olmadığına inanırlar.
Bu nəzəriyyəni sui-qəsd nəzəriyyələri ilə tanınan bloger Elizabet Epril “Digital Social Hour Podcast” proqramında səsləndirib.
“Onlar Keyti öldürdülər və onun cəsədini klonla əvəz etdilər, çünki o, ayrılmaq istəyirdi. Onların şüuru götürüb bədənə köçürən bir mexanizm var”, - deyə Elizabet iddia edib.
Xatırladaq ki, yanvar ayında Kensinqton Sarayı Keyt Midltonun qarın nahiyəsindən əməliyyat olunduğunu və sağaldıqdan sonra işə qayıdacağını açıqlamışdı. Bununla belə, onun səhhəti ilə bağlı əlavə təfərrüatlar verilməyib və bu, sui-qəsd nəzəriyyələri dalğasına səbəb olub.
Sosial şəbəkədə şahzadənin plastik əməliyyat keçirdiyi, histerektomiya etdirdiyi, komaya düşdüyü, saraydan qaçdığı, hətta öldüyü barədə fikirlər yazıldı. Kral ailəsinin şayiələri təkzib etmək cəhdləri uğursuz oldu və yalnız nəzəriyyə və şayiələrin sayını artırdı. Lakin mart ayında Uels şahzadəsi xərçəng xəstəliyinə tutulduğunu və kimyaterapiya keçdiyini bildirdiyi bir video yayımlayaraq bütün şayiələri təkzib edib.
Key Midlton bu yaxınlarda kimya terapiyasını bitirdikdən sonra ilk dəfə üzə çıxıb. 42 yaşlı şahzadə Keyt həlak olanların anım gününə həsr olunmuş tədbirdə iştirak edib. Keytin görünüşü onun yerinə uzun müddətdir azadlığa çıxmağa hazırlaşan bir klonun kral işlərində iştirak edə biləcəyi ilə bağlı yeni söz-söhbət dalğasına səbəb olub. Bu, sosial şəbəkənin Keytin son fotolarda özünə bənzəmədiyini hiss etməsi fonunda baş verib.
Bu il kral ailəsinin bir çox üzvlərinin səhhətində problemlər aşkarlanıb. Belə ki, ilin əvvəlində Kral III Çarlza xərçəng diaqnozu qoyulub və bu səbəbdən o müvəqqəti olaraq təqaüdə çıxıb. 75 yaşlı monarx yazda öz vəzifəsinə qayıtsa da, müalicəsi davam edir. Bu yaxınlarda məlum olub ki, onun həyat yoldaşı 77 yaşlı Kamilla tənəffüs yollarının infeksiyası diaqnozu qoyulub.
