Çində kəşfiyyatdan məsul olan Dövlət Təhlükəsizliyi Nazirliyi ölkədəki qapalı dövrəli təhlükəsizlik kameralarının xarici kəşfiyyat təşkilatları tərəfindən ələ keçirilə biləcəyini qeyd edərək, vətəndaşlarına həssas nöqtələri göstərməmələri və şəbəkə təhlükəsizliyi ilə bağlı diqqətli olmaları barədə xəbərdarlıq edib.Nazirliyin "WeChat" hesabında verilən açıqlamada adı açıqlanmayan bir sahil şəhərində drenaj və daşqından qorunma sistemini izləmək üçün istifadə edilən təhlükəsizlik kameralarının Çin Sahil Mühafizəsinin göyərtəsinə baxdığı bildirilib.Yazıda kamera sisteminin yüksək məxfilik səviyyəsi ilə bir çox həssas məqamları göstərdiyi aşkar edilərək, xarici casusların dövlət sirrini əldə etmək üçün bu cür sistemlərə sıza biləcəyi barədə xəbərdarlıq edilib.Yazıda həmçinin sistemdəki məlumatların göstərilməsi vasitələrinin və şəbəkə cihazlarının zəif idarə edildiyinin müşahidə edildiyi və bunun kiberhücum zamanı məlumat sızmasına səbəb ola biləcəyi bildirilib.Bəyanatda videomüşahidə sistemlərinin ictimai təhlükəsizliyin qorunması və sosial idarəetmənin gücləndirilməsi üçün dəyərli texnoloji imkan olduğu, eyni zamanda bərabərlik və ədalətin təmin edilməsində mühüm funksiyanı yerinə yetirdiyi qeyd edilib, lakin onların yanlış yerlərdə yerləşdirildikdə və ya şəbəkə təhlükəsizliyi təmin edilmədikdə milli təhlükəsizliyə risklərə gətirib çıxara biləcəyi vurğulanıb.Mənbə: AA
