Rusiyada ilk dəfə nüvə partlayışının zərərli təsirlərindən qorunmaq üçün nəzərdə tutulan “KUB-M” modul tipli mobil sığınacaqların seriyalı istehsalına başlanılıb.
"AzPolitika" bu barədə Rusiya KİV-lərinə istinadla xəbər verir.
İstehsal prosesi Nijni Novqorod vilayətində yerləşən Dzerjinsk şəhərində həyata keçirilir.
Sığınacaq iki moduldan ibarətdir: 54 nəfərlik otaq və texniki blok. Qeyd olunur ki, sığınacağın tutumu əlavə modullardan istifadə etməklə artırıla bilər. Tərtibatçılar iddia edirlər ki, strukturun əsas üstünlüyü onun hərəkətliliyidir - o, asanlıqla başqa yerə köçürülə və mövcud mühəndis sistemlərinə qoşula bilər.
"AzPolitika.info"
