Türkiyənin STM şikrəti Pakistanda keçirilən IDEAS-2024 sərgisində dəniz platformaları və taktiki mini PUA sistemlərini nümayiş etdirir.
“Poliqon” xəbər verir ki, şirkət sərgidə “Ada” sinifli MILGEM korvetini, “İstif” (“İ”) sinifli freqatını, STM-MPAC çoxməqsədli hücum katerini, “Pakistan Dənizdə Yanacaqdoldurma Gəmisi”ni (PNFT) və STM500 sualtı qayığını təqdim edir.
STM-in bu günə qədər üç fərqli qitədə 10-a yaxın ölkəyə ixrac olunan Türkiyənin ilk milli hücum PUA-sı KARGU, iki il əvvəl Türkiyə Silahlı Qüvvələrinin inventarına daxil edilən sursat buraxan mini PUA BOYGA və müşahidə-kəşfiyyat PUA-sı olan TOGAN şirkətin IDEAS-2024-də sərgilədiyi taktiki mini PUA sistemləri arasında yer alır.
Bundan başqa, şirkət komanda-idarəetmə (C2), kibertəhlükəsizlik, modernləşdirmə, peyk və kosmos imkanları barədə də ziyarətçilərə və rəsmi nümayəndə heyətlərinə məlumatlar verir.
