Pakistanın GIDS (Global Industrial and Defence Solutions) şirkəti yeni “Shahpar III” pilotsuz uçuş aparatını (PUA) 12-ci Beynəlxalq Müdafiə Sərgisi və Seminarında (IDEAS) təqdim edir.
“Poliqon” xəbər verir ki, “Shahpar III” pilotsuz uçuş aparatı IDEAS sərgisində ilk dəfədir nümayiş olunur.
1650 kiloqrama qədər faydalı yük daşıya bilən “Shahpar III” PUA uzun məsafələri qət edərək 30 saata qədər havada qala bilir. O, yerli istehsal edilən müasir avionika və təkmil uçuş idarəetmə sistemi ilə təchiz olunub.
PUA ilə bağlı fikirlərini bölüşən GIDS-in baş direktoru Əsəd Kamal bildirib ki, “Shahpar III” şirkətin uzun illər bu sahədə qazandığı təcrübəni özündə birləşdirir: ““Shahpar III” 30 illik gərgin əməyin və innovasiyanın kulminasiya nöqtəsidir və Pakistanın müdafiə qabiliyyətinin gücləndirilməsinə sadiqliyimizi əks etdirir”.
