Hurriyyet.az xəbər verir ki, ABŞ Prezidenti Cozef Baydenin Kiyevə ATACMS taktiki ballistik raketləri ilə Rusiyanin içəri ərazilərinə zərbə endirməyə icazə verməsi ilə əlaqədar Birləşmiş Millətlər Təşkilatı dinc vətəndaşları müdafiə etməyə çağırıb.
Bu barədə BMT baş katibinin rəsmi təmsilçisi Stefan Dyujarrik brifinq zamanı bəyanat verib.
Bəyanatda deyilir: "Bütün tərəflər harada olmasına baxmayaraq, mülki vətəndaşların müdafiəsini təmin etməlidirlər".
Xəbər verdiyimiz kimi, ABŞ-ın icazəsi ilə Ukrayna artıq bu gün Rusiya Federasiyasının ərazilərinə Amerikanın ATACMS raketləri ilə zərbə endirib.
Bu gün həm də Rusiya Prezidenti Vladimir Putin yenilənmiş nüvə doktrinasının - Nüvə gücünün qarşısının alınması sahəsində dövlət siyasətinin əsaslarını təsdiq edib.
Hürr Tərcüman
