1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Qərb ölkələrinin bir qismi Ukrayna Silahlı Qüvvələrinə uzaqmənzilli silahlarla Rusiyanın dərinliklərinə zərbələr endirməyə icazə verib, lakin bunu açıq şəkildə elan etməyib.
Oxu.Az-ın TASS-a istinadən verdiyi məlumata görə, bunu Aİ-nin xarici işlər və təhlükəsizlik məsələləri üzrə ali nümayəndəsi Jozep Borrel bildirib.
"ABŞ Rusiya ərazisinin 300 km dərinliyinə öz silahları ilə zərbələrə icazə vermək barədə mühüm qərar qəbul edib. Aİ-də bu, milli səlahiyyətdir. Aİ ölkələrinin bir qismi artıq bunu edib, digərləri məhdudiyyətləri bu barədə danışmadan ləğv edib, üçüncülər isə susub", - deyə siyasətçi bildirib.
Xatırladaq ki, ABŞ Prezidenti Co Bayden Rusiya ərazisinə ATACMS taktiki ballistik raketləri ilə zərbələr endirməyə icazə verib. Bundan sonra Fransa və Böyük Britaniya da uzaqmənzilli silahlarla Rusiya ərazisinin dərinliklərinə aviahücumlara razılaşıblar.
