Fransa Ukrayna Silahlı Qüvvələrinin hərbçilərini hazırladığı üçün Ukrayna münaqişəsində birbaşa iştirak edir. Bunu Rusiya Xarici İşlər Nazirliyinin rəhbəri Sergey Lavrov mətbuat konfransında deyib.
“Ukraynalı hərbçilər hazırda Fransada təlimlərini başa vururlar, bütöv bir hücum briqadası hazırlayırlar. Yəni onlar bilavasitə hərbi əməliyyatlarda iştirak edirlər”, - nazir qeyd edib.
Lavrovun sözlərinə görə, Fransa prezidenti Emmanuel Makron Rusiya üzərində “qələbəyə müharibə”nin ən qızğın tərəfdarlarından biridir.
Bundan əvvəl Rusiya Xarici İşlər Nazirliyinin rəhbəri ABŞ-ın yeni seçilmiş prezidenti Donald Trampın Ukrayna münaqişəsi ilə bağlı mövqeyini şərh edərkən bildirib ki, müharibənin yox, sülhün tərəfdarı olan insanlar dəstəyə layiqdirlər. .
Lavrovun sözlərinə görə, Moskva Çin və Braziliyanın Ukraynadakı münaqişənin sülh yolu ilə həlli ilə bağlı təşəbbüslərini də alqışlayır.
