Türkiyə Prezidenti Rəcəb Tayyib Ərdoğan İsrail Prezidenti İshaq Hersoqun COP29-da iştirak etmək üçün Bakıya səfər məqsədilə Türkiyə hava məkanında istifadə etməsinə icazə vermədiklərini təsdiqləyib.
Xalqcebhesi.az xəbər verir ki, bu barədə Türkiyə lideri Braziliyada keçirilən G20 sammiti çərçivəsində baş tutan mətbuat konfransında deyib.
“İsraillə bütün əlaqələri kəsdik. Bizim hava məkanımızdan istifadə etməsinə icazə vermədik. Daha fərqli xətlər, imkanlar var. Oralardan getməsini dedik. Amma gedib ya gedə bilmədiyini də bilmirəm. Biz artıq, Türkiyə olaraq, bəzi şeylərdə öz münasibətimizi ortaya qoymağa məcburuq”, - o bildirib.
