Bu gün satışda müxtəlif rəngdə və qoxudan dekorativ şamlar var.
Araşdırmalar zamanı məlum olub ki, fərqli görünüşlərdə, rənglərdə və ölçülərdə olan şamlar, evlərdə müsbət enerjinin də birbaşa qaynağıdır.
Qədim zamanlarda ancaq işıqlandırma vasitəsi kimi istifadə edilən şamlar, müasir dövrdə həm də evlərin dekorasiyasında istifadə edilir.
İndi şamlar fərqli rənglərinə, ətirlərinə, quruluşuna görə çeşidlənir.
Psixoloq Könül İsmayılova Hit.az-a deyib ki, evdə şamlardan istifadə etmək neqativ enerjini aradan qaldırır:
"Artıq şamlara formaları, qoxuları və rəngləriylə yalnız bir aksesuar olaraq, baxılmır. İnsan psixologiyasını təsir etdiyinə dair ciddi araşdırmalar var. Ev dekorasiyasında gözəl bir yerə sahib olan şamlar rənglərinə görə xeyli çox şey ifadə edir. Yaşıl şam bərəkət, ağ şam gücün simvolu olaraq, qəbul edilir, qırmızı şam sevgi və romantizmin simvolu sayılır. Qeyd etdiyimiz kimi, dekorativ şamlar insanın əhvalını yüksəldir, həyat eşqini artırır".
Sevinc
