Dünən Beyləqan RİH-in başçısı Əziz Əzizov Kəbirli kənd sakinləri ilə görüşüb.
“Qafqazinfo” xəbər verir ki, səyyar görüşdə hüquq-mühafizə orqanlarının rəhbərləri, RİHB-nin müavinləri və şöbə müdirləri, dövlət orqanlarının yerli idarələrinin və xidmət sahələrinin rəhbərləri, kənd sakinləri iştirak ediblər.
Qəbulda çıxış edən RİH başçısı Əziz Əzizov əhalini narahat edən problemlərin həlli üçün həyata keçirilən tədbirlərdən, infrastrukturun yaxşılaşdırılması istiqamətində görülən işlərdən danışıb. Ə.Əzizov Prezident İlham Əliyev tərəfindən qəbul edilən, əhalinin sosial müdafiəsinə və rifah halının yüksəldilməsinə yönəldilmiş son qərarlardan danışaraq bütün bunların vətəndaşlara olan dövlət qayğısının göstəricisi olduğunu bildirib.
Səyyar qəbulda kənd sakinləri bir sıra istiqamətlərdə müxtəlif müraciətlər ünvanlayıb, RİH başçısı Əziz Əzizov sakinləri narahat edən məsələlərə aydınlıq gətirib, qaldırılan məsələlərin həlli istiqamətində aidiyyəti üzrə tapşırıqlar verib və onların həlli nəzarətə götürülüb.
