Polisin etirazçıları bütün gecəni keçirdikləri Çavçavadze bulvarından çıxarmasından sonra Tbilisinin mərkəzində müxalifətin mitinqi başa çatıb.
"Operativ Məlumat Mərkəzi-OMM" xəbər verir ki, baş verənlərin görüntülərini yerli "Mtavari Arkhi" telekanalı yayıb.
Vəziyyət sabitləşəndə və polis Melikişvili bulvarında iki cərgədə düzüləndə müxalifət liderlərindən biri Zurab Caparidze etirazçılara müraciət edib. O, aksiyanı bu formatda davam etdirməyin mənasız olduğunu deyərək, hamını dağılmağa çağırıb.
Eyni zamanda hüquq-mühafizə orqanlarının əməkdaşları aksiya keçirilən ərazini tərk etməyə başlayıblar.
