ABŞ-ın yeni seçilmiş prezidenti Donald Tramp amerikalı milyarder İlon Maska məxsus “SpaceX” şirkətinə məxsus “Starship” raketinin buraxılış mərasimində iştirak edib."SpaceX"in ən böyük raketi "Starship"in kosmosa 6-cı buraxılışı üçün ikisini bir araya gətirən tədbir Amerika mediasının da böyük marağına səbəb olub.Seçki prosesi zamanı ona böyük məbləğdə ianə verən Maskı yeni qurulan Hökumətin Səmərəliliyi Departamentinin idarəçiliyinə həvalə edəcəyini bildirən Tramp "Starship"in təqdimat mərasiminə qatılaraq Maska dəstəyini də göstərib.Yerli vaxtla saat 16:00-da Texasdakı buraxılış meydançasından uğurla buraxılan "Starship" raketinin buraxılış aparatı daşıdığı yükü kosmosa buraxdıqdan qısa müddət sonra geri qayıdıb.Son sınaq uçuşunda müvəffəqiyyətlə yerə qayıdan və çubuqlar adlı iki qolun köməyi ilə buraxılış qülləsinin atıldığı bölgəyə uğurla enən buraxılış qurğusu bu dəfə açıqlanmayan bir səbəbdən eyni bölgəyə enə bilməyib. Qurğunun Meksika körfəzi yaxınlığında yavaş-yavaş dənizə endiyi və qısa müddət sonra partladığı qeyd edilib."SpaceX" rəsmiləri "Starship" sınaqlarını davam etdirəcəklərini və onların cədvəlində heç bir problem olmadığını bildiriblər.Təxminən 121 metr uzunluğunda və təkrar istifadə edilə bilən "Starship" raketi indiyə qədər yaradılmış ən böyük raket kimi tanınır."SpaceX"in sahibi Mask 2 il ərzində Marsa ekipajsız 5 fərqli "Starship" raketi buraxmağı planlaşdırır.Mənbə: AA
