Bütün dünyanın aylardır səbirsizliklə gözlədiyi Ceyk Pol və Mayk Tayson arasında keçirilən boks görüşü ötən həftə rəsmi olaraq keçirildi.
İndex.az xəbər verir ki, bütün dünyanın izlədiyi bu nəhəng matçın qalibi 27 yaşlı Jake Paul oldu.
Bildiyimiz kimi, matç “Netflix”də canlı yayımlanmışdı. “Netflix”, yayım zamanı bəzi problemlər yaşansa da, matçın böyük marağa səbəb olduğunu və rekord qırdığını açıqladı.
Açıqlamada bildirilib ki, Jake Paul – Mike Tyson boks matçını orta hesabla 108 milyon nəfər izləyib. “Netflix”, matçın rəqəmsal mediada canlı olaraq tarixin ən çox izlənilən idman hadisəsi olduğunu qeyd edib.
Bu izləyicilərin təxminən 38 milyonunun ABŞ-dakı ev təsərrüfatlarından olduğunun, qalanlarının isə dünyanın müxtəlif yerlərindən olduqları vurğulanıb.
