Venesuela iyulun 28-də keçirilən prezident seçkilərində müxalifət koalisiyasının namizədi Edmundo Qonzalesi seçilmiş prezident kimi tanıdığını elan edən ABŞ-a sərt reaksiya verib.
Publika.az xəbər verir ki, Venesuelanın xarici işlər naziri İvan Gil Pinto “X” sosial media platformasında ABŞ dövlət katibi Entoni Blinkenə sərt cavab verib.
Nazir Blinkenin Venesuela əleyhinə münasibəti olduğunu iddia edib: "Artıq Blinken Venesuelanın and içilmiş düşmənidir. ABŞ daha çox faşist və terrorçu tərəfindən dəstəklənən Venesuela müxalifətinin keçmiş lideri Xuan Quaydo ilə eyni siyasəti davam etdirməkdə israrlıdır”.
Blinken “X” sosial media hesabındakı paylaşımında ABŞ-ın 28 iyulda keçirilən prezident seçkilərindən sonra Venesuela müxalifətinin lideri Edmundo Qonzalesi ölkənin seçilmiş prezidenti kimi tanıdığını açıqlayıb.
