“Şagirdlərin kompüterləşməsinə 40 milyon manat vəsait ayrılması proqnozlaşdırılır”. “Qafqazinfo” xəbər verir ki, bunu elm və təhsil naziri Emin Əmrullayev Milli Məclisin Gənclər və idman, İctimai birliklər və dini qurumlar, Mədəniyyət komitələrinin birgə iclasında 2025-ci ilin büdcə müzakirələri zamanı deyib. O qeyd edib ki, məktəblərin yüksəksürətli şəbəkəyə qoşulması da əsas məsələlərdəndir: “1737 müəssisə yüksəksürətli internetə qoşulub”. Nazirin sözlərinə görə, 2022-2024-cü illərdə 65 minə yaxın müəllim sertifikatlaşdırmaya cəlb edilib: “Növbəti ildə 20 min müəllimin sertifikatlaşdırmaya cəlb olunması nəzərdə tutulub”.
