“Barselona”nın və Polşa millisinin hücumçusu Robert Levandovski futbolçu karyerasını nə vaxt bitirəcəyi ilə bağlı sualı cavablandırıb.
İdmanxeber.az-ın məlumatına görə, təcrübəli bu barədə bunları deyib:
“Yaşımı nəzərə alaraq, deyə bilirəm ki, tezliklə – iki-üç il ərzində karyeram bitəcək. Bir gün oyanıb məşqə getmək istəmədiyimi hiss edəndə bu, təqaüdə çıxmaq barədə ilk siqnal olacaq. İndiyə qədər belə bir şey hiss etməmişəm. Ümid edirəm ki, belə də davam edəcək. Mən hələ də məşq etməyi və kluba gəlməyi xoşladığımı hiss edirəm”.
Levandovski bu mövsüm bütün turnirlərdə 19 qol vurub və 2 məhsuldar ötürmə edib.
