Pakistanın “Heavy Industries Taxila” (HIT) şirkəti HISAAR zirehli nəqliyyat vasitəsini IDEAS-2024 sərgisində nümayiş etdirir.
“Poliqon” xəbər verir ki, HISAAR, Taylandın “Chaiseri” şirkəti tərəfindən inkişaf etdirilən “First Win” 4×4 zirehli maşınının lisenziya əsasında Pakistanda istehsal olunacaq variantıdır.
Xatırladaq ki, Pakistan və Tayland arasında 100 ədəd “First Win” 4×4 zirehli maşınının tədarükü ilə bağlı müqavilə bu ilin oktyabr ayında imzalanıb. Müqaviləyə əsasən, zirehli nəqliyyat vasitəsinin ilk partiyasının Taylandda, digərlərinin isə HISAAR adı altında Pakistanda istehsal edilməsi planlaşdırlıb.
