1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyə millisinin və "İnter"in futbolçusu Hakan Çalhanoğlu diskvalifiasiya təhlükəsi ilə üzləşib.
Oxu.Az xəbər verir ki, 30 yaşlı yarımmüdafiəçi kriminalla bağlı şübhəli olan azarkeşlərlə əlaqələrinə görə 2-3 oyunluq diskvalifikasiya edilə bilər.
İtaliyada iki ay əvvəl 19 nəfərdən ibarət cinayətkar qrup saxlanılıb. Onlar arasında Hakanın formasını geyindiyi "İnter"in və "Milan"ın fanatları da var.
Bu şəxslər "San Siro"dakı oyunlara bilet və içki satışından pul mənimsəməkdə ittiham olunurlar. Onlar stadionun ərazisində avtomobil parkı üçün rüşvət də alıblar.
Qrupun mafiya ilə bağlı olması iddia edilir. Hakan, həmçinin baş məşqçi Simone İnzaqi cinayətkarlarla ünsiyyətdə olduqları üçün şahid qismində işə cəlb ediliblər. Onlar 2023-cü ildə Çempionlar Liqasının finalına bilet almaq üçün futbolçu və məşqçi ilə əlaqə yaradıblar. Yarımmüdafiəçi hər şeyi etiraf edib. Onu diskvalifikasiya və böyük məbləğdə cərimə gözləyir.
Qeyd edək ki, Hakan 2021-ci ildən formasını geyindiyi "İnter"ə "Milan"dan keçib.
