ABŞ seçkilərində qalib gələn Donald Tramp illik büdcəsi 2,6 trilyon dollar olan “Medicare və Medicaid Mərkəzləri”nin rəhbəri vəzifəsinə türk əsilli həkim Mehmet Özün namizədliyini irəli sürmək qərarına gəlib.
Editor.az bildirir ki, bu barədə siyasətçi sosial şəbəkələrdə yazıb. “Mən doktor Özü uzun illərdir tanıyıram və əminəm ki, o, Amerikadakı hər kəsin ölkəmizi yenidən böyük və sağlam etmək üçün ən yaxşı tibbi xidmət almasını təmin etmək üçün mübarizə aparacaq!”, – Donald Tramp bildirib.
Qeyd edək ki, Mehmet Öz ailəsi XX əsrin ortalarında Türkiyədən ABŞ-a gəlib.
O həkim və televiziya aparıcısıdır. İki il əvvəl o, Trampın dəstəyi ilə Pensilvaniyadan senator olmağa çalışsa da, bu vəzifəni ala bilməyib.
//Samir Qurbanov, Editor.az
