...Bu yaxınlarda təqdim edilmiş Lamborghini Temerario superkarı GT3 adlı trek versiyasını alacaq. O, 2026-cı ildə Huracan GT3 Evo2-ni əvəz etməlidir.
SİA-nın əldə etdiyi məlumata görə, elan gələcək yarış avtomobilinin profilinin konturunu əks etdirən bir şəkil ilə müşayiət olunub.
Görünür ki, Temerario GT3 böyük qanad, eləcə də böyüdülmüş ön splitter alacaq. Avtomobilin aerodinamikasındakı dəyişikliklər Temerario GT3-ün arxadan ötürücülü olmasını tələb edən və elektrik güc aqreqatını istisna edən qaydalarla bağlıdır. Beləliklə, o, 4,0 litrlik tvin-turbo V8 ilə idarə olunacaq. Yol versiyasında onun gücü 800 at gücünə bərabərdir. Bundan əlavə, mühəndislər kuzovu əhəmiyyətli dərəcədə yüngülləşdirməli və kabinəni yenidən dizayn etməlidirlər.
Lamborghini Temerario GT3-ün sınağı gələn il başlayacaq, lakin trek versiyası 2026-cı ildən tez olmayacaq.
Nazlı Almuradova
