Avopa Parlamentinin nümayəndələrindən Güney Azərbaycanla bağlı MƏKTUB

Avropa Parlamentinin (AP) nümayəndələri İranda azərbaycanlılara qarşı təzyiq və farsladırma siyasəti ilə bağlı məktub yazıblar.Gununsesi.info xəbər verir ki, Avropa Parlamentinin üzvləri Avropa Birliyinin xarici işlər və təhlükəsizlik siyasəti üzrə ali nümayəndəsi Cozef Borrellə ünvanladıqları məktubda “azərbaycanlılara qarşı farslaşma və ayrı-seçkilik siyasəti gözardı edilə bilməz”,- deyə qeyd ediblər.Onlar İranda 30 milyon azərbaycanlının yaşadığını, İran hakimiyyətinin onlara qarşı asimiliyasiya siyasəti yürüdərək farslaşdırmağa çalışdığını yazıblar.İtaliya, İspaniya və Hollandiyadan olan 9 parlament üzvü azərbaycanlıların milli və mədəni kimliklərinin məhv edilməsinin qarşısının alınmasına çağırıblar.AP nümayəndələri İranda yaşayan azərbaycanlıların ölkənin siyasi həyatında iştiraklarının məhdudlaşdırıldığını bildiriblər.Nümayəndələr eyni halda azərbaycanlıların ətraf mühit məsələlərində də ayrı-seçkiliyə məruz qaldıqlarını vurğulayıblar.Gununsesi.info