Çin prezidenti Si Sinpin Ukrayna böhranının siyasi həlli üçün sülhü dəstəkləyən ölkələri birləşməyə çağırıb. O, bu çağırışı Braziliyada Braziliya prezidenti Luiz İnasio Lula da Silva ilə birgə mətbuat konfransında səsləndirib.
"Çin və Braziliya Ukrayna böhranının siyasi həlli ilə bağlı birlikdə altı bəndlik konsensus hazırladılar və qlobal Cənub ölkələri ilə birlikdə "Sülh Dostları" qrupunu yaratdılar", - Si Sinpin deyib.
Çin Xarici İşlər Nazirliyi bildirib ki, "Biz sülh üçün daha çox ölkəni bir araya gətirməliyik və Ukrayna böhranının siyasi həllinə yol açmalıyıq."
Sentyabr ayında Çinin xarici işlər naziri Vanq Yi Braziliya prezidenti Selso Amorimin xüsusi nümayəndəsi ilə Nyu-Yorkda keçirdiyi görüşdə Çin, Braziliya və qlobal cənubun digər ölkələrinin sülhsevərliyi təşviq etmək üçün “Sülh Dostları” platforması yaradacaqlarını söylədi.
May ayında məsləhətləşmələrdən sonra Vanq Yi və Amorim altı bənddən ibarət birgə bəyanat yaydılar. Orada bildirilir ki, Ukrayna böhranının həlli üçün yeganə yol dialoq və danışıqlardır.
Oxuməni.az
