Türkiyənin "Qalatasaray" klubunun baş məşqçisi Okan Buruk argentinalı hücumçu Mauro İkardinin millisində niyə oynamamasından danışıb.
90deqiqe.Az-ın "AS"a istinadən məlumatına görə, mütəxəssis bildirib ki, argentinalı forvardın həyat yoldaşı Vanda Nara ilə yaşadığı problemlər olmasaydı, indi hər şey tamam başqa cür olardı.
Okan İkardinin mütləq Argentina millisində oynayacağına əmin olduğunu bildirib.
“O, bu səbəbdən həyatında çox şey itirmiş ola bilər, lakin Mauro ailə adamıdır. O, mehriban ürəklidir və hər zaman sevdiklərinin qayğısına qalır”
Xatırladaq ki, Mauro İkardi bu mövsüm Türkiyə liqasında "Qalatasaray"ın heyətində 7 oyun keçirib və 4 qol vurub və 1 məhsuldar ötürmə edib.
