1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Birinci Qarabağ müharibəsi əlillərinin pensiya təminatı ilə bağlı məsələ illərdir davam edir. Son illər bir neçə Birinci Qarabağ müharibəsi əlilinin pensiya təminatı dayandırılıb. Onlar narazılıqlarını bildirirlər".
APA xəbər verir ki, bunu Milli Məclisin Əmək və sosial siyasət və İqtisadi siyasət, sənaye və sahibkarlıq komitələrinin birgə keçirilən iclasında deputat Azər Badamov deyib.
Deputat bildirib ki, həmin vətəndaşlar əlilliyin dayandırılması ilə bağlı yenidən müraciət etdikdə onlara mənfi cavab verilir:
"Mümkündürmü ki, həmin vətəndaşlar onlayn şəkildə deyil, əyani qəbul olunsunlar və əlillikləri bir daha dəyərləndirilsin? Nəyə görə əlillikləri dayandırılıb, birbaşa izah olunsun".
Komitə sədri Musa Quliyev isə qeyd edib ki, şikayət varsa, əyani şəkildə əlilliyin təyinatı üçün görüşlər aparılır:
"Bəlkə, seçiciləriniz bunu bilmirlər. Amma bu məlumatı onlar bilməlidirlər".
