"6-cı mərtəbə” Məhdud Məsuliyyətli Cəmiyətinin qanuni təmsilçisi barəsində protokol tərtib edilib.
Valyuta.az-ın məlumatına görə, sözügedən şirkətin qanuni təmsilçisi Nəbiyev Yunis Nəbi oğlu barəsində İnzibati Xətalar Məcəlləsinin (İXM) 199 maddəsi ilə (Sağlam və təhlükəsiz əməyin mühafizəsi şəraitinin təmin edilməməsi) protokol tərtib edilib.
Y.Nəbiyev Əmək və Əhalinin Sosial Müdafiəsi Nazirliyi Yanında Dövlət Əmək Müfəttişliyi Xidməti Bakı Şəhər İdarəsi tərəfindən tərtib edilən protokolla bağlı Bakı Şəhəri Nərimanov Rayon Məhkəməsinə şikayət verib.
İşə hakim Xalidə Əlisoyun sədriliyi ilə baxılacaq.
Qeyd edək ki, İXM-nın 199-cu maddəsinə görə, işəgötürən tərəfindən işçilərin iş yerlərində sağlam və təhlükəsiz əməyin mühafizəsi şəraiti ilə təmin edilməməsinə və ya kollektiv müqavilələrdə nəzərdə tutulan tədbirlərin yerinə yetirilməməsinə görə yeddi yüz manatdan min beş yüz manatadək məbləğdə cərimə edilir.
Xatırladaq ki, "6-cı mərtəbə” MMC 9 may 1994-cü ildə qeydiyyata alınıb. Nizamnamə kapitalı 20 AZN-dir. MMC-nin qanuni təmsilçisi Nəbiyev Yunis Nəbi oğludur. Şirkətin prezidenti isə Atəş Təhməzovdur. O, Azərbaycan Qida Təhlükəsizliyi Agentliyinin (AQTA) sədri Qoşqar Təhməzlinin qardaşıdır.
Sadiq İsbəndərli
