Mançester Siti” baş məşqçisi Pep Qvardiola ilə müqavilə yeniləyib.
Fanat.Az xəbər verir ki, məlumatı "şəhərlilər"in mətbuat xidməti yayıb.
İspaniyalı mütəxəssis müddəti 2027-ci ilin yayında bitəcək yeni anlaşmaya imza atıb.
53 yaşlı Qvardiolanın əvvəlki müqaviləsinin müddəti 2025-ci ilin yayınadək nəzərdə tutulmuşdu.
Pep 2016/17 mövsümünün əvvəlindən “Mançester Siti”nin "sükanı arxası"ndadır. MS onun rəhbərliyi altında komanda altı dəfə İngiltərə çempionu olub, iki dəfə İngiltərə Kubokunu, dörd dəfə Liqa Kubokunu, üç dəfə İngiltərə Superkubokunu qazanıb.
2023-cü ildə “Mançester Siti” Çempionlar Liqası, UEFA Superkuboku və Klublararası Dünya Çempionatının qalibi olub.
