Almaniyanın hərbi-siyasi rəhbərliyi Rusiya ilə genişmiqyaslı münaqişəyə hazırlığa həsr olunmuş əməliyyat planı hazırlayıb...
Poliqon xəbər verir ki, bu barədə Frankfurter Allgemeine Zeitung qəzeti məlumat yayıb. Nəşr qeyd edir kİ, sənəd 1 min səhifədən ibarətdir və onun böyük hissəsi məxfidir.
Sənəddə mühafizəsi hərbi səbəblərə görə gücləndirilməli olan binaların və digər obyektlərin siyahısı var. Həmçinin iddia edilir ki, NATO-nun şərq cinahında müharibə başlayarsa, Almaniya şərqə daşınması lazım olan on minlərlə, hətta bəlkə də yüz minlərlə əsgər üçün mərkəz rolunu oynayacaq.
Bundesver nümayəndələri planı “canlı sənəd” adlandırıb və gələcəkdə bir sıra düzəlişlərin edilməsini istisna etməyiblər. Qeyd edilir ki, ordu artıq biznesi potensial fövqəladə vəziyyətə hazırlamağa başlayıb. Məsələn, Hamburq hərbi müdafiəsinin nümayəndələri sahibkarlarla görüşdə işçilərə yük maşını sürmə bacarıqlarını öyrətməyi, dizel generatorları almağı və böhran vəziyyətində plan tərtib etməyi tövsiyə etdilər.
Poliqon.info
