İqlim dəyişikliyi bütün dünyada qasırğaları gücləndirir və onları daha təhlükəli edir.
Ucnoqta.az xarici mətbuata istinadən xəbər verir ki, alimlər bu qənaətə gəliblər.
Alimlərin fikrincə, son 6 ildə Atlantik qasırğalarının küləyin sürəti 29 km/saat artıb.
Klimatoloqlar bunu qasırğaların tezliyini və gücünü artıran okean suyunun istiləşməsi ilə izah ediblər.
“Environmental Research: Climate” jurnalında dərc olunan araşdırma, 2019-cu ildən 2023-cü ilə qədər küləyin sürətinin artması səbəbindən dörd onlarla qasırğanın Saffir-Simpson şkalası üzrə bir kateqoriyaya yüksəldiyini müəyyən edib.
Atlantik okeanında suyun temperaturu Selsi üzrə 2-3 dərəcə yüksəlib.
Tədqiqatın aparıcı müəllifi, klimatoloq Daniel Giffordun izah etdiyi kimi, qasırğalar isti su ilə qidalanır və bu, onların dağıdıcı gücünü artırır. O, qeyd edib ki, 5-ci kateqoriyalı qasırğa 1-ci kateqoriyalı qasırğadan təxminən 400 dəfə çox ziyan vurur.
Alimlər bu ilin ən dağıdıcı qasırğaları arasında iqlim dəyişikliyi səbəbindən 26-39 km/saat güclənən Beril, Helen və Miltonun adını çəkiblər.
ABŞ Milli Okean və Atmosfer Tədqiqat İdarəsi qeyd edib ki, iqlim dəyişikliyi həm də silsilə tornadolara səbəb olan Milton qasırğasında olduğu kimi qasırğaların bir-biri ilə qarşılıqlı təsirinə də təsir edir.///bild
