ABŞ prezidenti Co Bayden Beynəlxalq Cinayət Məhkəməsinin İsrailin baş naziri Binyamin Netanyahu və keçmiş müdafiə naziri Yoav Qalantı həbs etmək qərarından qəzəblinib..
“Beynəlxalq Cəza Məhkəməsi tərəfindən İsrail rəhbərliyinə qarşı həbs orderinin verilməsi haqsızlıqdır. İcazə verin, bir daha aydınlaşdırım: İsrail və HƏMAS bərabər deyil. Biz həmişə İsrailin təhlükəsizliyinə təhdidlərə qarşı onun yanında olacağıq”, - deyə Bayden bildirib.
Cümə axşamı günü səhər saatlarında Beynəlxalq Cinayət Məhkəməsi Netanyahu və Qalantı Qəzza zolağında hərbi cinayətlər törətməkdə şübhəli bilinərək həbs etmək üçün orderlər verib.
May ayında BCM-nin prokuroru Kərim Xan Netanyahu və Qalantı həbs etmək üçün Məhkəməyə qədər Palataya müraciət etdiyini bildirib. O, bəyanatında qeyd edib ki, onlar Qəzza zolağında 2023-cü ilin oktyabrında başlayan cari hərbi kampaniya zamanı törədilmiş hərbi cinayətlərə və insanlığa qarşı cinayətlərə görə məsuliyyət daşıyırlar.
Oxuməni.az
