Qazaxıstan Prezidenti Kasım-Jomart Tokayev hərbi və mülki obyektlərin təhlükəsizliyinin təmin edilməsi ilə bağlı tapşırıqlar verib.
Bu barədə sosial şəbəkə hesabında dövlət başçısının mətbuat katibi Berik Uali bildirib.
O bunu Ukraynada gərginliyin artması ilə əlaqələndirib.
Qazaxıstan parlamentinin palata sədrləri görülən tədbirlərlə bağlı məlumatlandırılıblar.
Mətbuat katibi qeyd edib: “Ölkədəki vəziyyət prezidentin şəxsi nəzarətindədir. Dövlətimiz üçün əsas strateji məqsəd sabitliyi, əmin-amanlığı, asayişi qorumaqdır. Qazaxıstan dəfələrlə iki slavyan xalqı arasında düşmənçiliyin danışıqlar yolu ilə həll edilməsinin tərəfdarı olub”.
"Cebheinfo.az"
