Misli Premyer Liqasının XIV turunun ilk günündə üz-üzə gələcək “Kəpəz” və “Araz-Naxçıvan”ın matçı rəqiblərin ölkə çempionatları tarixində 10-cu qarşılaşması olacaq.
İdman.biz xəbər verir ki, yubiley – 10-cu duelə çıxacaq rəqiblərin ilk matçı 24 il əvvələ təsadüf edib.
Əvvəlki 9 oyunda “Kəpəz” ikiqat üstünlüyə malikdir. Gəncə klubu 6 dəfə qalib gəlib. Naxçıvan təmsilçisinin 3 uğuru var.
Top fərqi də “Kəpəz”in üstünlüyünü göstərir. 20 qol vuran komanda 9 top buraxıb.
Hər iki komanda yubiley duelinə qol seriyası ilə çıxacaq. “Araz-Naxçıvan” son üç oyunda meydanı qolsuz tərk etməyib. “Kəpəz” isə evdəki bütün matçlarda qol sevinci yaşayıb.
| 29.10.2000 | Araz - Kəpəz | 1:3 |
| 22.04.2001 | Kəpəz – Araz | 6:0 |
| 15.09.2001 | Kəpəz – Araz | 4:1 |
| 05.12.2001 | Araz - Kəpəz | 2:0 |
| 03.09.2023 | Kəpəz - Araz-Naxçıvan | 1:2 |
| 10.11.2023 | Araz-Naxçıvan - Kəpəz | 0:1 |
| 05.02.2024 | Kəpəz - Araz-Naxçıvan | 3:1 |
| 05.04.2024 | Araz-Naxçıvan - Kəpəz | 1:2 |
| 13.09.2024 | Araz-Naxçıvan - Kəpəz | 1:0 |
Qeyd edək ki, Tovuzda keçiriləcək “Kəpəz” – “Araz-Naxçıvan” görüşü saat 17:00-da başlayacaq.
İdman.biz
