İtalyan kinematoqrafiyasının əfsanəvi aktyoru Vinsent Kassel hamilə sevgilisi Nara Baptistanla qala gecəyə qatılıb.
OLAY yazır ki, cütlük “Müqəddəs eks” filminin premyerasında iştirak ediblər.
Diqqət çəkən məqam Naranın hamiləliyini qara rəngli geyimi ilə gizlətməsi olub. Kino ulduzu isə başını keçəl qırxdırması ilə nəzər çəkib.
Xatırladaq ki, sentyabrın ortalarında 28 yaşlı model Nara Baptista hamilə olduğunu açıqlayıb. Uşaq onun birinci və seçdiyi 57 yaşlı Vinsent Kassel üçün dördüncü olacaq.
Qeyd edək ki, Vinsent və Nara arasındakı münasibət yalnız 2023-cü ildə məlum olub və 2024-cü ilin yanvarında cütlük ilk dəfə Paris Moda Həftəsində birlikdə görünüb. Bundan təxminən bir il əvvəl sənətçi boşanıb. Kasselin əvvəlki münasibətlərindən üç qızı var: Monika Belluççidən Deva və Leoni, Tina Kunakidən Amazoni.
