Nərimanov rayon İcra Hakimiyyəti və rayonda inşa edilən qalmaqallı “Gold Məkan” MMC məhkəməyə verilib.
Tribunainfo.az xəbər verir ki, icra hakimiyyəti və MMC ilə bağlı iddianı Abdullayeva Bəhriyyə Mahmud qızı qaldırıb. İşin mahiyyəti mülkiyyət hüququ ilə əlaqədar mübahisədir. Digər səbəblər açıqlanmır.
Nərimanov İH və “Gold Məkan”la bağlı işə Nərimanov rayon Məhkəməsində baxılacaq. 19 dekabr tarixində hakim Mehriban Əfəndizadənin sədrliyi ilə işə baxılacaq.
Qeyd edək ki, məhkəməyə verilən “Gold Məkan” MMC ilə bağlı vətəndaşlar dəfələrlə aidiyyəti qurumlara, prezidentə müraciət ünvanlayıb. Sakinlər bildirir ki, şirkət qanunsuz tikinti işləri həyata keçirir. Problemli MMC-nin qanuni təmsilçisi Allahşükür Əliməmməd oğlu Məmmədovdur.
Məhkəməyə verilən Nərimanov rayon icra hakimiyyətinin başçısı isə Elgin Həbibullayevdir.
Tərəfləri dinləməyə hazırıq.
Nigar
