Özbəkistan prezidenti Şavkat Mirziyoyev Abdulla Aripovun sədrliyi ilə yaradılmış yeni hökuməti təsdiqləyib.
Prezident Aparatından verilən məlumata görə, prezident Mirziyoyev parlamentin aşağı palatası olan Qanunvericilik Assambleyasının müzakirəsindən sonra təqdim edilən yeni hökumət üzvlərinin təsdiqi haqqında fərmanı imzalayıb.
Sərəncama əsasən, Abdulla Aripovun yenidən baş nazir olduğu hökumətdə baş nazirin 4 müavini və 20 nazir var.
Özbəkistanda oktyabrın 27-də keçirilən ümumi seçkilərdən sonra hökumət yeni kabineti formalaşdırmaq üçün bu həftənin əvvəlində istefa verib.
Qanunvericilik Məclisinin dünən keçirilən iclasında prezident Mirziyoyev siyasi partiyalarla məsləhətləşmələrdən sonra Aripovun yenidən baş nazir olmasını təklif edib, parlament üzvləri isə gizli səsvermədə Aripovun yenidən baş nazir olmasını yekdilliklə dəstəkləyiblər.
Əvvəllər hökumətlərdə müxtəlif vəzifələrdə çalışan Aripov 2016 və 2019-cu illərdə keçirilən seçkilərdən sonra baş nazir olub.
