"Çox istedadlı oyunçular tanıyıram, amma onu ilk dəfə görəndə öz-özümə dedim: "Vau! Bu kimdir belə?"
Fanat.Az xəbər verir ki, bunu "Barselona"nın polşalı hücumçusu Robert Levandovski İngiltərə millisinin sabiq müdafiəçisi Rio Ferdinandın "YouTube" kanalında qonaq olarkən deyib.
36 yaşlı forvard "blauqrana"dakı gənc komanda yoldaşı Lamin Yamalın onu təəccübləndirdiyini vurğulayıb:
"Mən Yamalın məşqini ilk dəfə izləyəndə 15 yaşı var idi. Yaşına uyğun olmayan dərəcədə ağıllı oyunla diqqət çəkirdi. Sonra 16 yaşı tamam oldu və xaruqələr yaratmağa davam etdi. Çox istedadlı oyunçular görmüşəm, amma onun etdikləri inanılmazdır. Əlbəttə, bu tempi saxlamağı çox möhtəşəmdir. Digər tərəfdən, Lamin yaxın gələcəkdə ciddi sınaqdan çıxmalı olacaq. Çünki o, 28, 29 və ya 30 yaşında zirvədə qalmaq üçün növbəti addımlarını atmalıdır".
Nihat
