AZ
Mövzular
Digər
22.11.2024 ◦ 13:42

Avropa İttifaqının Azərbaycanla sərhəddə yerləşdirilmiş “müşahidəçi”ləri yenidən aktivləşiblər — VİDEOLAR

Avropa İttifaqının (Aİ) Azərbaycanla sərhəddə yerləşdirilmiş və kəşfiyyat materialları toplamaqla məşğul olan “müşahidəçiləri” “fəaliyyətləri”ni davam etdirirlər.

Bununla bağlı Ordu.az-a yeni görüntülər daxil olub.

Məlum olub ki, saat 10:25 radələrində Zəngilan rayon Ağkənd kəndi istiqamətində, Qafan Aeroportunun ərazisinə Syunik kəndi istiqamətindən 2 ədəd Aİ-yə məxsus “Toyota” markalı nəqliyyat vasitəsinin gəlməsi və içindən 4 nəfər Aİ-nın əməkdaşının düşməsi (1 nəfər qadın) bizim ərazini müşahidə etməsi müşahidə olunub.
 

Saat 11:20-də Qubadlı rayonu Fətəlitəpə kəndi istiqamətində, Gorus rayonu Kornidzor kəndi ərazisindən Aİ-yə məxsus 2 ədəd “Toyota” markalı minik avtomobillərinin gəlməsi, avtomobillərdən 5 nəfər Aİ-nin əməkdaşlarının düşməsi, müşahidə cihazı ilə ərazilərimizi müşahidə etmələri qeydə alınıb.

Quşçu Ayrım kəndi istiqamətində isə saat 11:00 radələrində sərhəddə, Tbilisi-İcevan magistral yolunda 3 ədəd nəqliyyat vasitəsinin dayanması və 3 nəfər Aİ əməkdaşının ərazini müşahidə etməsi müşahidə olunub.

Sözügedən kənd istiqamətində saat 12:40-da Tiblisi-İcevan magistral yolunda Aİ-yə məxsus 2-ədəd nəqliyyat vasitəsinin dayanması və 6 nəfər əməkdaşın bizim ərazilər istiqamətində çəkiliş və müşahidə aparması müşahidə olunub.

Aİ-yə məxsus olan 2 ədəd “Jeep” markalı avtomobil sərhəddin digər istiqamətində 30-cu SN istiqamətində dayanıb, 5 nəfər şəxsin Azərbaycan ərazisini müşahidə etməsi qeydə alınıb.
 


Bu aktivləşmələr bir daha göstərir ki, təxribat ehtimalı əsassız deyil.

Aİ “müşahidəçiləri”nin erməni hərbçilərlə birgə sərhəd “reydlərini” Ermənistanda revanşist qüvvələrin aktivləşməsi, ölkənin silahlandırılması, danışıqlarda daha qeyri-konstruktiv mövqe tutması kimi qiymətləndirmək olar.

Seçilən
13
29
demokrat.az

10Mənbələr