Slovakiyanın baş naziri Robert Fiko noyabrın 22-də bildirib ki, 2025-ci il mayın 9-da keçiriləcək Qələbə Paradında iştirak etmək və Rusiyaya gəlmək qərarına görə Avropa İttifaqı (Aİ) ölkələrinin tənqidindən qorxmur.
Qaziler.az bildirir ki, bu barədə "İzvestiya" yazıb.
Bir gün əvvəl o, Serbiya prezidenti Aleksandr Vuçiç ilə 2025-ci ilin mayında Moskvaya birgə səfər barədə razılığa gəldiyini açıqlamışdı.
"Qorxmuram, çünki artıq tənqid olunuram, bu, artıq başlayıb", - dedi.
Fiko Rusiyadan rəsmi dəvət aldığını və səhhəti imkan verərsə, gələcəyini açıqlayıb. Slovakiyanın Baş naziri İkinci Dünya Müharibəsindəki hər bir qələbəyə və hər bir qurbana hörmətlə yanaşdığını vurğulayıb. Onun sözlərinə görə, 80 il əvvəl baş vermiş hadisələr həqiqətən diqqət və hörmətə layiqdir.
O, əlavə edib ki, dövlətlər ya suverendirlər və konkret qərarlar üçün böyük ölkələrin razılığını almağa məcbur deyillər, ya da “suverenlik mövcud deyil və biz yalnız dünya səhnəsindəki böyük oyunçuların istədiyini edəcəyik”.
QAZİLER.AZ
