Gürcüstanın iqtisadiyyat və davamlı inkişaf nazirliyi Azərbaycan, Türkiyə, Gürcüstan və Bolqarıstanın energetika nazirlərinin İstanbulda baş tutan dördtərəfli görüşünə dair məlumat yayıb.
Ednews xəbər verir ki, tərəflər enerji təhlükəsizliyi, enerji sahəsində birgə irimiqyaslı layihələri, enerji sektorunda həyata keçirilən və planlaşdırılan layihələri müzakirə ediblər. Gürcüstan Baş nazirinin birinci müavini, iqtisadiyyat və davamlı inkişaf naziri Levan Davitaşvili mühüm layihələrdən birinin Türkiyə ilə Gürcüstan arasında elektrik ötürücü şəbəkəsinin inkişafı olduğunu qeyd edib.
