İrlandiya Ultimate Fighting Championship (UFC) döyüşçüsü Konor Makqreqor Dublin Ali Məhkəməsində 2018-ci ilin dekabrında baş vermiş cinsi təcavüzlə bağlı mülki iş üzrə təqsirli bilinib. Bu barədə MMA Junkie yazır.
Makqreqor və onun dostu Ceyms Lourens tanışı Nikita Ni Laimhinə qarşı zorakılıq etməkdə günahlandırılıblar. Döyüşçünün özü cinsi əlaqəni inkar etməyib, bunun qarşılıqlı razılıq əsasında baş verdiyini təkid edib.
İdmançıya mənəvi ziyana görə təqribən 250 min avro ödəməyə qərar verilib.
Bu epizod döyüşçünün cinsi təcavüzdə ittiham olunduğu yeganə epizod deyil. 15 iyun 2023-cü ildə TMZ, McGregor-un iyunun 9-da Denver Nuggets və Miami Heat arasında Milli Basketbol Assosiasiyasının (NBA) final oyunu zamanı baş verən təcavüzdə günahlandırıldığını bildirdi. Matçdan dərhal sonra bir qız Denver polisi ilə əlaqə saxlayıb və bildirib ki, Makqreqor onu stadionun tualetində kilidləyib və oral seks etməyə məcbur edib. Qız irlandiyalının qarnına vuraraq qaçıb. İrlandiyalı döyüşçünün komandasının nümayəndələri ittihamları yalan adlandırıblar.
34 yaşlı Makqreqorun son döyüşü UFC 264-də amerikalı Dastin Puarye ilə döyüş olub. Görüş birinci raundda başa çatıb və nəticədə irlandiyalının ayağı sınıb.
Makqreqor keçmiş UFC yüngül çəki çempionudur.
Makqreqor əvvəllər narkotik istifadə etdiyini etiraf edib.
