Gəncədə 1 nəfərin ağır xəsarət alaması ilə nəticələnən yol qəzası olub.
"Unikal"ın məlumatına görə, hadisə Gəncə Beynalxalq Hava limanın yaxınlığında baş verib. Yüksək sürətlə hərəkətdə olan minik maşını beton hasara çırpılıb. Zərbənin təsirindən avtomobilin bir neçə ehtiyat hissələri yolunun kənarına dağılıb. Qəzadan sonra avtomobildə yanğın olub.
Hadisə yerinə FHN-in yanğınsöndürən avtomobiləri və canlı qüvvəsi cəlb olunub. Yanğın söndürülüb, avtomobil yanaraq yararsız hala düşüb.
Minik maşının sürücüsü 2005-ci il təvəllüdlü E.Paşayev ağır xəsarət alaraq xəstənaya yerləşdirilib. Onun vəziyyətinin ağır olduğu bildirilir.
Faktla bağlı araşdırma aparılır.
Tural Əhmədov
