Misli Premyer Liqasında 14-cü tur davam edir.
Fanat.Az xəbər verir ki, dünən start götürən tur çərçivəsində bu gün daha iki oyun keçiriləcək.
Əvvəlcə "Qarabağ" "Bayıl Arena"da "Səbail"in qonağı olacaq. Bu görüş "dənizçilər"in çalışdırıcısı Cavid Hüseynov üçün yeni komandasında debütlə yadda qalacaq. Gənc məşqçi dörd gün sonra Avropa Liqasında "Olimpik Lion"la taleyüklü matça çıxacaq "Qarabağ"ı süni örtüklü meydanda büdrətməyə çalışacaq.
Günün digər oyununda isə "Neftçi" ilə "Zirə" münasibətlərinə aydınlıq gətirəcəklər. Paytaxt derbisi "Zirə" üçün ilk "üçlük"dən aralı düşməmək baxımından əhəmiyyət kəsb edirsə, "Neftçi" autsayder zonasından xilas olmağa can atır.
Qeyd edək ki, turun qalan iki görüşü - “Turan Tovuz” –“ Sabah” və “Sumqayıt”– “Şamaxı” qarşılaşmaları bazar günü keçiriləcək.
Misli Premyer Liqası
14-cü tur
23 noyabr
17:00. “Səbail” – “Qarabağ”
Hakimlər: Nicat İsmayıllı, Zöhrab Abbasov, Cəmil Quliyev, Əkbər Əhmədov, Əliyar Ağayev
AVAR: Zeynal Zeynalov
Hakim-inspektor: Anar Salmanov
AFFA nümayəndəsi: Asif Əliyev
“ASCO Arena”
19:00. “Neftçi” – “Zirə”
Hakimlər: Kamal Umudlu, Namiq Hüseynov, Vüsal Məmmədov, Əli Əliyev
VAR: İnqilab Məmmədov, Rəvan Həmzəzadə
Hakim-inspektor: Babək Quliyev
AFFA nümayəndəsi: Zümrüd Ağayeva
“Neftçi Arena”
