“Mançester Siti”nin ispan dayaq yarımmüdafiəçisi Rodri, Xosep Qvardiola və Dieqo Simeone arasındakı fərqləri açıqlayıb.
Arena.az xəbər verir ki, o, ispan mütəxəssis Qvardiolanı argentinalı mütəxəssis Simeonedən təbiətcə daha sakit hesab edir:
“Hər kəsin öz üslubu var. Yadımdadır, “Çolo” (Dieqo Simeone) ismarışlarında, tezliyində gərgin idi və məşqə başağrısı ilə gəldiyini də xatırlayıram. “Pep” isə daha sakitdir, amma taktiki lövhənin köməyi ilə hər şeyi təhlil edir… Onlar fərqlidirlər. Simeone daha duyğusaldır, “Pep” isə daha metodikdir, amma hər ikisi səni eyni yerə aparır”, deyə ispan futbolçu fikrini izah edib.
Xatırladaq ki, Rodri Madrid “Atetiko”sunda Simeonenin rəhbərliyi altında çalışıb, hazırda isə ispan futbolçunun “Mançester Siti”də Qvardiola çalışdırır.
Rodriqo Ernandes Madrid “Atletiko”sunun yetirməsidir, ispan “dayaqçı” 2007-2013-cü illərdə “döşəkçilər”in klub sistemində olub. Daha sonra Rodri “Vilyarreal”a keçib. Ancaq 2018-ci ildə yarımmüdafiəçi 2019-cu ilə qədər oynadığı “Atletiko”ya qayıdıb.
Rodri hazırda çıxış etdiyi “Mançester Siti”yə 2019-cu ilin iyulunda 70 milyon avro məbləğ müqabilində elə, “Atletiko”dan keçib. Rodrinin “Mançester Siti” ilə müqaviləsi 2027-ci ilin iyun ayının sonuna qədər qüvvədədir.
Cari mövsümdə Rodri “şəhərlilər” üçün 3 oyun keçirib, məhsudalr fəaliyyəti ilə diqqət çəkməyib. Təcrübəli yarımmüdafiəçi “şəhərlilər”in heyətində bütövlükdə 260 oyuna çıxıb, 26 qol və 30 məhsuldar ötürmə müəllifi olub.
Rodri “Mançester Siti” ilə İngiltərə Premyer Liqasının (2020/2021, 2021/2022, 2022/2023, 2023/2024), İngiltərə Kubokunun (2023), İngiltərə Liqa Kubokunun (2020, 2021), İngiltərə Super Kubokunun (2020), Çempionlar Liqasının (2022/2023), UEFA Super Kubokunun (2023/2024), FIFA Klub Dünya Kubokunun (2024) qalibi olub. İspan futbolçu UEFA Çempionlar Liqasında 2022/2023-cü illər mövsümünün oyunçusu seçilib.
Həmçinin Rodri ən nüfuzlu fərdi futbol mükafatı – “Qızıl top”un qalibidir. İspan yarımmüdafiəçi 2023/2024-cü illər mövsümünün yekunlarına görə “Qızıl top”a layiq görülüb.
Rodriqo Ernandes 2018-ci ilin martında debüt etdiyi İspaniya yığmasının heyətində 57 oyun keçirib, 4 qol vurub, 2 məhsuldar ötürmə verib. Rodri İspaniya yığması ilə 2023-cü il UEFA Millətlər Liqasının və 2024-cü il Avropa çempionatının qalibi olub.
