“Araz Naxçıvan”ın hücumçusu Felipe Santos bu mövsüm Premyer Liqada 7-ci qolunu vurub.
Sportinfo.az xəbər verir ki, braziliyalı 14-cü turun “Kəpəz”ə qarşı səfərdə keçirilən açılış oyununda fərqlənib.
27 yaşlı "sambaçı" 25-ci dəqiqədə rəqib qapısına yol tapıb. “Araz Naxçıvan” 2:0 hesabı ilə qələbə qazanıb. Digər qolu rəqib qapısından Bernardo Dias (86-cı dəq.) keçirib.
Felipe Santos bugünkü matçda qol vurmaqla yanaşı,Premyer Liqanın bombardirlər siyahında vahid liderliyi də ələ alıb.
Hazırda siyahıda ikinci-üçüncü yerləri isə “Sabah”ın futbolçuları Cessi Sekidika (6 qol) və Coy-Lens Mikels (5 qol) tuturlar.
